കാര്ഷിക നിയമം പിന്വലിച്ച് കര്ഷക പ്രക്ഷോഭം ഒത്തുതീര്പ്പാക്കാന് തയാറാകാത്ത പശ്ചാത്തലത്തില് രാജ്യവ്യാപകമായി പ്രധാനമന്ത്രി നരേന്ദ്ര മോദിയുടെ കോലം കത്തിക്കുമെന്നും അടുത്ത ചൊവ്വാഴ്ച (ഈ മാസം 8 ന്) ഭാരത് ബന്ദ് നടത്തുമെന്നും കര്ഷക സംഘടനകള് പ്രഖ്യാപിച്ചു.
കര്ഷകരുടെ 'ഡല്ഹി ചലോ' മാര്ച്ചിന് ഡല്ഹിയില് പ്രവേശിക്കാന് സര്ക്കാര് അനുമതി നല്കി. മാര്ച്ച് തടയാനുള്ള പോലിസ് നടപടികള് തീര്ത്തും പരാജയപ്പെട്ട സാഹചര്യത്തിലാണ് രാജ്യതലസ്ഥാനത്ത് പ്രവേശിക്കാനും ബുറാഡിയില് നീരങ്കാരി സ്റ്റേഡിയത്തില് പൊതുയോഗം നടത്താനും കര്ഷകര്ക്ക് അനുമതി നല്കിയത്
എന്നാല് ബില്ലുകള്ക്കെതിരെയുള്ള കര്ഷകരുടെ പ്രക്ഷോഭം ദേശീയ തലത്തില് തുടരുകയാണ്. പഞ്ചാബിലും ഹരിയാനയിലും വാഹന-ട്രെയിന് ഗതാഗതത്തെ പോലും കര്ഷക സമരം ബാധിച്ചു. പഞ്ചാബില് ട്രെയിന് തടഞ്ഞുള്ള പ്രതിഷേധങ്ങളും തുടരും. സെപ്തംബര് 28ന് കോണ്ഗ്രസ് രാജ്ഭവന് മാര്ച്ചുകള് പ്രഖ്യാപിച്ചിട്ടുണ്ട്.
മുഴുവന് സംസ്ഥാനങ്ങളിലും പ്രതിഷേധ റാലികള് സംഘടിപ്പിക്കുമെന്ന് കോണ്ഗ്രസ് അഹ്വാനം ചെയ്തു. കാര്ഷിക ബില്ലുകള് തിരിച്ചയക്കണമെന്ന് ഇന്നലെ ഗുലാംനബി ആസാദിന്റെ നേതൃത്വത്തിലുളള പ്രതിപക്ഷ സംഘം രാഷ്ട്രപതിയെ കണ്ട് ആവശ്യപ്പെട്ടിരുന്നു. കാര്ഷിക ബില്ലുകള്ക്കു പുറമേ തൊഴില് കോഡ് ബില്ലുകള് പാസാക്കിയതിനെതിരെയും പ്രതിപക്ഷം പ്രതിഷേധിക്കുന്നുണ്ട്.